6) TÓNLISTARHNEYKSLIÐ RÚV - RÁS 1 - "MENNINGARMORÐ" Í HÁSKÓLABÍÓI 2013 - SJÁ UPPTÖKU FRÁ FUNDINUM

Höfundaréttur © Guðmundur Emilsson. Allur réttur áskilinn samkvæmt Bernarsáttmálanum, með viðaukum.
Menntastofnunum er heimilt að nota þessa síðu sé eigenda höfundarréttar getið.

30. janúar 2022

GUFAN. Segjum, að undirritaður kunni dagskrá Gufunnar afturábak. Þá er við því að búast á sunnudagsmorgni, að Maestra Una Margrét Jónsdóttir, síðasti virki tónlistar-dagskrárgerðarmaður Gufunnar segi eittvhað gott og merkilegt um tónlist, gamla og nýja, kl 08:00, og að dagskrárstjóri fegri sig með formála Unu Margrétar og hefji spjall kl 09:00 um eitthvað rosalega gáfulegt, við gest, sem er rosalegum gáfum gæddur - í 60 mín. Mikið bla bla á báða bóga. Vin vor Ævar Kjartansson hóf þetta gáfumannaspjall fyrir margt löngu, en hafði hljótt um sig og lét tvo gesti sína sjá um deilumál, en súmmeraði upp í lok þáttar hvað gestir hans hefðu verið að þvarga um. Einstök dagskrárgerð! En ekki hjá núverandi dagskrárstjóra. Hann lætur ljós sitt skína! Og skína og skína í 60 mín. Dauflega þó. Mætti ég frekar biðja um KK, Svanhildi eður manninn sem lék allar hljóðritanir Hljóma viku eftir viku, og tilgreindi upptökudaga, erlenda session menn og allt og allt sem stóð á plötuumslögum - án þess að geta þeirra áreiðanlegu heimilda.

Gufan skiptir miklu máli, fyrir landið og miðin. Um 500+ sérvaldir vinir mínir á FB, sem eru tónlistarmenn um land allt, og/eða tónlistarunnendur, láta nú í sér heyra. Fyrir 10 dögum voru heimsóknir á heimasíðu mína www. gudmunduremilsson.is um 150 þús. Eftir að vér snérum athygli vorri að Gufunni og því hvernig Gufan hefur eða hefur hvorki þjónað tónlistarunnendum landsbyggðarinnar, höfuðborginn né bátsverjum á miðum vorum - kom skyndilegur kippur í heimsóknir. Nú eru heimsóknir 151.323, eða 1.323 á sjö dögum - með tilheyrandi athugasemdum um Gufuna. Ber Gufunni ekki að taka tillit til þessa? Samkvæmt lögum! Eða er dagskrárstjóri Gufunnar bara að þjóna dapurlegum, segjum hallærislegum, tónlistaráhuga sínum, ef nokkur er - ekki þjóðinni? Veit dagskrárstjóri að sveitarstjórnir um land allt, stórar og örsmá, leggja sig í framkróka við að halda úti tónlistarskólum með frábærum og hámenntuðum og rándýrum kennurum? Það er reyndar nánast vonlaust starf ef Gufan styður ekki við viðleitni þessa úrvalsfólk með neinu móti. Dagskrárstjóri Gufunnur hefur mikið á samviskunni þegar að er gáð.
Ætlað útvarpsráði til íhugunar. Lög um RÚV: Hlutverk RÚV er, samkvæmt lögum um félagið, rekstur fjölmiðlaþjónustu í almannaþágu. Sérstaklega er lögð rækt við íslenska tungu (!), sögu þjóðar (!), menningararfleifð (!) og tengsl við almenning.